निवेदन: दिवाळी अंक २०१६

नमस्कार मित्र,मैत्रीणींनो

टेक मराठी दिवाळी अंक २०१६ ची तयारी सुरु करण्याची वेळ आली आहे. तर उचला आपली लेखणी (ई -लेखणी) आणि लिहायला सुरुवात करा. जुन्या लोकांना तर माहिती आहेच काय लिहायचे आहे ते!

नवीन लोकांसाठी हे आवाहन:

या वर्षीच्या “टेक मराठी दिवाळी अंक २०१६” साठी लेख, कविता आणि कथा या स्वरूपात  टेक्नोलॉजी संदर्भात लिखाण पाठविण्याचे आवाहन आम्ही करीत आहोत.

सदर लेखन लेख, कविता, विडंबनपर काव्य, चारोळी, व्यंगचित्र यांपैकी कोणत्याही साहित्यप्रकारात आणि  विनोदी, माहितीपर, अनुभव कथन, लघु कथा अशा कोणत्याही सदरात असावेत.

आपले लिखाण ई स्वरूपात आमच्याकडे पाठविण्याची अंतिम तारीख १५ ऑक्टो. २०१६ आहे.

तुम्ही जर वेब साईट करणे, डिझाईन  करणे यामध्ये मदत करू इच्छित असाल तर आम्हाला जरूर कळवा.

नियमावली :

  • लेखांसाठी किमान शब्दमर्यादा २००
  • दिवाळी अंकासाठी साहित्य रविवार १५ ऑक्टो, २०१६ पर्यंत पोहोचले पाहिजे.
  • दिवाळी अंकासाठी स्वलिखित आणि संपूर्णपणे अप्रकाशित साहित्य पाठवावे. साहित्य सॉफ्ट-कॉपीस्वरूपात आणि युनिकोडमध्येच पाठवावे. युनिकोडमध्ये नसलेले साहित्य स्वीकारले जाणार नाही, याची कृपया नोंद घ्यावी.
  • साहित्य पाठवताना ते शक्यतो व्याकरणाच्या आणि शुद्धलेखनाच्या नियमांत बसेल असे पाहावे.
  • साहित्य स्वीकारण्याचे किंवा नाकारण्याचे सर्वाधिकार संपादक मंडळ राखून ठेवत आहे. साहित्य नाकारण्याचे कारण किंवा स्पष्टीकरण देण्यास संपादक मंडळ बांधील नाही. याबाबत संपादक मंडळाचा निर्णय अंतिम राहील.
  • संपादक मंडळास पाठवलेल्या साहित्यात काही बदल करायचा असल्यास आधी संपादक मंडळाशी sampadak@techmarati .com येथे संपर्क साधावा. एकच साहित्य पुनः:पुन्हा पाठवू नये.
  • साहित्य मिळाल्याची पोच पाठवली जाईल. साहित्य सुपूर्त केल्यानंतर २४ तासांत पोच न मिळाल्यास संपादक मंडळाशी sampadak@techmarathi.com  येथे संपर्क साधावा.

दिवाळी अंकाबाबतीतील सर्व प्रश्न ,सूचना वा माहितीसाठी sampadak@techmarathi.com  येथे संपर्क साधावा.

Leave a comment

Your email address will not be published. Required fields are marked *

Enable Google Transliteration.(To type in English, press Ctrl+g)