स्काइप भाग -2

मागील लेखात आपण स्काइप कसं  कार्यान्वित करायचं  ते पहिल. या लेखात  आपण स्काइपचा वापर कसा करायचा ते पाहू. खाली दिलेल्या स्काइपच्या कुठल्याही सुविधा वापरून आपल्याला ज्या व्यक्तीला संपर्क करायचा आहे ती व्यक्ती ऑनलाईन असणे  व  आपल्या संगणकाला माइकाची सुविधा असलेले headphones  असणे  गरजेचे आहे.
ऑडियो व व्हिडीओ  कॉल
स्काइपचा  वापर करून आपण ऑडियो व  व्हिडीओ कॉल करू शकतो. ज्या व्यक्तीला आपल्याला कॉल करायचा आहे त्या व्यक्तीचे नाव आपल्या संपर्क यादीमधून निवडायचे.  नाव निवडल्यानंतर उजव्या बाजूच्या स्क्रीनवर call असे बटण दिसेल त्यावर क्लिक केल्यावर तुमचा कॉल सुरु होईल. तुमचा कॉल संपेपर्यंत तुह्माला  खाली दिल्याप्रमाणे स्क्रीन दिसेल.

कॉल बंद करण्यासाठी End call या बटणावर क्लिक करा.
व्हिडीओ कॉल करण्यासाठी Video call या बटणावर क्लिक करा. यासाठी आपल्या संगणकावर वेब कॅम असणे गरजेचे आहे.

समूह  कॉल (conference call )
कॉन्फरन्स कॉलचा वापर करून  आपण  एकाचवेळी अनेक व्यक्तींशी संवाद साधु शकतो.  त्यासाठी add people या बटणावर क्लिक करा.त्यानंतर तुह्माला खाली दाखवल्याप्रमाणे एक स्क्रीन दिसेल.

तुह्माला हवी असलेल्या व्यक्तींची नावे संपर्क यादीतून निवडा व select या बटणावर क्लिक करा. आता तुह्माला ज्या व्यक्तींशी बोलायचं आहे त्या व्यक्तींची यादी तयार झाली. त्यानंतर add या बटणावर क्लिक करा.आता तुह्माला खाली दाखवल्याप्रमाणे स्क्रीन दिसेल त्यावरील Call group या बटणावर क्लिक करा.

अशाप्रकारे  तुह्मी एकाच वेळी अनेक व्यक्तींशी संवाद साधु शकता.

समूह चर्चा (conference chat )

समूह कॉलप्रमाणेच तुह्मी समूह चर्चा करू शकता.त्यासाठी वर दिल्याप्रमाणे ज्या व्यक्तींशी चर्चा करायची आहे त्या व्यक्तींना समाविष्ट (add ) करा आणि उजव्या बाजूला असलेल्या विंडोवर लिहायला (chat ) सुरवात करा. अशाप्रकारे तुह्मी एकाचवेळी अधिक व्यक्तींशी संवाद (chat ) साधु शकता. तुह्माला समूह चर्चा करताना खाली दाखविल्याप्रमाणे स्क्रीन दिसेल.     

फाइलची देवाणघेवाण ( file transfer )
स्काइपचा वापर करून आपण एखाद्याला आपल्या संगणकावरील  फाइल पाठवू शकतो. त्यासाठी  संपर्क यादी मधून त्या व्यक्तीचे नाव निवडा व उजव्या बाजूला असलेल्या स्क्रीनवरील send file या पर्यायावर क्लिक करा.

त्यानंतर तुह्माला पाठवायची असलेली फाइल निवडा व  Open या बटणावर क्लिक करा.
आता आपल्याला एखाद्या व्यक्तीकडून फाइल घ्यायची असेल तर त्या व्यक्तीने फाइल पाठवल्यावर आपल्याला save file व cancel असे दोन पर्याय दिसतील त्यातील save file ह्या पर्यायावर क्लिक करा.                                                                                                                                                                                                                    

फाइल जतन(save) करण्यासाठी  ती आधी स्वीकारावी लागते त्यासाठी OK या बटणावर क्लिक करा.

त्यानंतर ती फाइल आपल्याला कुठे जतन (save) करून ठेवायची आहे ती जागा निवडा व save या बटणावर क्लिक करा.

म्हणजे आता ती फाइल आपल्या संगणकावर जतन(save) झाली.

अशाप्रकारे  दैनंदिन जीवनात उपयुक्त ठरू  शकणाऱ्या विविध सेवा स्काइप  आपल्याला उपलब्ध करून देते.

5 thoughts on “स्काइप भाग -2

  1. सायली ताई,
    कालच मला माझ्या एका मित्राचा जपान वरून फोन होता त्याने सुद्धा स्काईप च्या ह्याच सेवे बद्दल सांगितले,आणि योयोगाने मी येथे येऊन पोहोचलो त्या मुळे मस्त अगदी शुद्ध मराठीत सगळी माहिती मिळाली. धन्यवाद. एक छोटीशी शंका आहे तेवढी विचारतो.ह्याचे पैसे पडतात (स्वाभाविकच आहे म्हणा) पण ते कोणाला? ज्याने तो फोन केला त्याला का दोघांना हि? खरे तर हा एकदम पुणेरी बावळट प्रश्न आहे पण आपली उगीच एक शंका कि आपण नादात जायचो नि महिन्याचे नेटचे प्री पेड अकौंट झटक्यात संपून जायचे म्हणून आपली एक बाळबोध शंका. जर काही माहिती पुरवता आली तर कृपया सांगावे हि, विनंती. कारण पल्ले खूप लांबचे असतात त्या मुळे..

  2. समजा हा call स्काइपवरुन स्काइपवर केला असेल(online call) तर तुम्हाला फ़क्त internet वापराचे पैसे द्यावे लागतात. जर तुह्मि हा call स्काइपवरुन फोनवर करत असाल तर त्याचे शुल्क स्काइप आकारते व ते शुल्क call करणारया व्यक्तिला भरावे लागते.

  3. धन्यवाद,
    तरीच…. तो मला म्हणत होता कि फक्त इंटरनेट असले कि बास. हं…आता बिनधास्तपणे ह्या विषयात पुढे जायला हरकत नाही.
    आपण दिलेल्या माहिती बद्दल आभारी आहे.

Leave a comment

Your email address will not be published. Required fields are marked *

Enable Google Transliteration.(To type in English, press Ctrl+g)